Бишімбаев марқұм Нүкенованы сұрақтың астына алған видеолар көрсетілді
Астанада өтіп жатқан экс-министр Қуандық Бишімбаевтың сотында оның ұялы телефоны ашылды. Сотталушы бұған дейін сотқа телефонының құпия кодын айтудан бас тартып келген. Дегенмен, оның қорғаушылары құпия кодты прокурорларға емес, судья Айжан Құлбаеваға айтты, деп хабарлайды Qaz365.kz.
Оның телефонында марқұм Салтанат Нүкенованы айыпталушы мәжбүрлеп, сұрақтың астына алған видеолар көрсетіліп жатыр.
Видео 8-9 қараша күндері түсірілген. Судьяның айтуынша, видеода Нүкенова күртеше киген, ал ішінде ештеңе жоқ. Бишімбаев әйелін балағаттап, қайта-қайта «Райымбек Баталовпен төсектес болдың ба?» деп сұрақтың астына алған.
Сонымен қатар судья Айжан Құлбаева видеода Салтанат Нүкенованың үстінде қара пальто ғана барын айтты.
Бишімбаев «мұның бәрі монтаж, менің телефонымды бұзып, біреу енгізіп қойған. Бұл видео 9 қарашада түсірілуі мүмкін емес» дейді. Сот 10 минуттық үзіліске кетті.
